هل تغير فن التعامل مع العملاء بعد تداعيات كوفيد-١٩؟، هرد على سؤالك بجملة سمعنها كتير مع بداية أزمة فيروس كورونا وهي “لن يعود العالم كما هو مرة أخرى”.
اقرأ أيضا:
9 نصائح أساسية حول التسويق أثناء الركود الاقتصادي.. لماذا يعد أمرًا بالغ الأهمية؟
للأسف دي حقيقي وكل المجالات هتتأثر وبالفعل تأثرت بسبب أزمة كورونا، حتى المستهلكين، نظرتهم للأشياء اختلفت وأصبح عندهم أولويات حقيقية، عليك أنك تتكيف معها.
الطريقة اللي بنشتري بها والأشياء اللي نشتريها والعقلية اللي نشتري بها، كلها تغيرت إلى الأبد، وده يعني أن الطريقة اللي تقدم بها الشركات منتجاتها وتتواصل مع عملائها هتحتاج أيضًا للتغيير.
في المقالة دي هناقش أحدث أساسيات التسويق بعد فيروس كورونا، تابع معنا لمعرفة معلومات جديدة ومفيدة للبيزنس الخاص بك.
محتوى المقالة:
- تأثير فيروس كورونا على المستهلكين بشكل عام
- إيه اللي يبحث عنه المستهلك في مرحلة ما بعد الجائحة
- 4 استراتيجيات في فن التعامل مع العملاء بعد فيروس كورونا
قبل ما نبدأ مقالنا، عايزنك تعرف أن كوفيد-١٩ مازال نشط وللأسف بيأثر على حياة الناس كل يوم، فالمصطلحات المستخدمة في المقال بتشير لإزاي تتعامل مع العملاء بعد فترة ذروة الوباء، وليس بعد انتهاء تمامًا.
إزاي كورونا آثر على فن التعامل مع العملاء
كلنا عارفين أن COVID-19 أثر على الأعمال التجارية في كل الصناعات، ولكن خلينا نركز على المستهلك واحتياجاته اليومية:
- الأولويات
اختلف أولويات كل المستهلكين بعد فيروس كورونا، وكلنا شوفنا وعشنا ده، فأكيد لاحظت ارتفاع الطلب على منتجات التنظيف والتعقيم، ولاحظت التراجع في استهلاك وشراء الهدوم مثلًا.
كمان إللي اختلف تمامًا، هو طريقة شراء البقالة أو الاحتياجات اليومية من أكل وشرب، وإزاي اتحولت بسرعة رهيبة وأصبحت أغلبها أونلاين، أغلب السوبر ماركت حدثت المتاجر الإلكترونية الخاصة بهم، عشان يوصلنا للجمهور بشكل أسرع.
حتى الصيدليات والمحلات اللي بتبيع أغراض غير أساسية، اتجهت لتصميم تطبيقات أو مواقع ويب، عشان تحافظ على عملائها وتحقق أرباح ودخلها ماينهرش بسبب الحجر الصحي واتباع الجمهور نظرية “المهم فالأهم”.
- عقلية ضعيفة
فيروس كورونا، خلى كل المستهلكين والشركات، حس بصدمة نفسية ومالية كبيرة، في ملايين الأشخاص حول العالم، فقدوا شغلهم، وكتير اضطر للاستسلام لأوضاع مجبر عليها، وده خلنا متأكدين من أن البشر “ضعفاء” بطعبيهتم.
إيه اللي يبحث عنه المستهلك في مرحلة ما بعد الجائحة
المستهلكين بعد فترة ذروة كورونا في كل العالم، أصبحوا يفتقروا روح المعنوية والأمان، وده أدي بشركة الإدارة Bain & Company، تجرى دراسة استقصائية تضم 162 شخصًا في 7 دول، عشان تشوف أولوية الناس في الحياة الجديدة.
والدراسة أكدت الآتي:
- الناس بتبعد عن القلق
- الناس بتسعى لأسلوب حياة متوازن صحيًا
- الناس بتبحث عن الحياة المتربطة
- الناس بتبحث عن الأهداف الحقيقة
- الناس أصبحت أكتر وعيًا بالمصروفات والأساسيات اللي محتاجنها في حياتهم
بصرف النظر عن التغيرات العاطفية وتغيرت طبيعة الأعمال، أصبح المستهلكون أكتر تفاعل مع الشركات عبر الإنترنت، وده فتح مجالات كتير جدًا وحول وظائف أكتر للأونلاين.
4 استراتيجيات في فن التعامل مع العملاء بعد فيروس كورونا
من الواضح أن فيروس كورنا سبب تحولات كبيرة في جميع جوانب الحياة للمستهلكين سواء في سلوكيات الشراء أو التعامل العاطفي أوالتحديات اليومية والرغبات الأساسية.
لذلك قررنا أن نوضحلك الاستراتيجيات الأربعة الموصى بها من قبل الخبراء، عشان تساعدك في فن التعامل مع العملاء بعد كورونا:
1. تكوين شخصياتك
لازم تعترف أنك دلوقتي مش بتخدم نفس العميل اللي كنت بتخدمه قبل 8 شهور، ولأن شخصية عملك اتحولت واتغير
وعليك أن تدرس شخصيات العملاء الجديدة بما فيها
- الدوافع
- عادات الشراء
- الأهداف
- الإحباط
- نوع الشخصية
- الادوار والمسؤوليات
اقرأ أيضا:
3 أسباب لضرورة تحسين محرك البحث للمواقع الطبية
2. السوشيال ميديا
بعد اللي غيره فيروس كورونا في العالم، أصبح دور السوشيال ميديا في فن التعامل مع العملاء مهم ومينفعش تتجنبه، سواء في التعرف على العملاء أو التواصل معهم.
في دراسة حديثة قامت بها CMO، أكدت أن 84٪ من الشركات أصبحت بتستخدم وسائل التواصل الاجتماعي عشان تبني علامتها التجارية الجديدة وأكثر من 54٪ استخدمتها عشان بس تحافظ على عملائها.
عشان كده دورك أصبح مختلف، عليك أن تركز مع محادثات عملائك وتتواصل معاهم باستمرار سواء عن طريق حسابتهم في السوشيال ميديا أو التعليقات أو البريد الإلكتروني أو استطلاعات الرأي.
كل اللي فات ده وسائل هتساعدك على معرفة عميلك وفهم احتياجاته بشكل أفضل، وتبقى محترف في فن التعامل مع العملاء بعد تأثيرات كورونا على العالم.
3. مشاركة العملاء
في عالم ما بعد فيروس كورونا، مشاركة العملاء وتطويرهم بقى أمر أساسي، حاول تتواصل مع عملائك بالطرق اللي ذكرنها، وتسألهم عن حياتهم بعد كورونا، إيه اللي اتغير فيها.
كما المنتجات اللي هما بقوا في حاجة ليها دايما، وإزاي ممكن تخلي حياتهم أسهل وتقلل من الضغوطات اللي هما فيها، وتقدر تقدم ده من خلال خصومات مميزة أو اشتراكات بأسعار حصرية لعملائك.
شعور العميل بأنه جزء من القرار، ده هيخليه في مسافة قريبة بينك وبينه، وهيساعد على استمرار التواصل والقرب مع العلامة التجارية.
4. مشاعر العملاء
احنا اتفقنا أن كل المستهلكين حياتهم وأولوياتهم اتغيرت، كمان مشاعرهم اتغيرت بفضل تداعيات كورونا علينا كلنا، وده هيساهم بشكل كبير في صنع قرارهم.
عشان كده عليك أن تتبع مشاعر عملائك وحاول أن تحصل على رضاهم من خلال توفر الأساسيات أو العناصر دي:
- المعايير اللي هيحتاجوها في المقارنة بينك وبين منتج أو شركة تانية.
- سهولة أدواتك وطريقة الوصول ليك والتعامل السلس معاك.
- تابع باستمرار البيانات وحللها وأتاكد منها، عشان تشوف نسبة رضا العملاء.
دلوقتي حان الوقت للتعرف على عميلك بعد فيروس كورونا:
عادات المستهلك تغيرت بشكل جذري، وبالتأكيد هتفضل في تغيير مستمر بعد إللي حصل لمشاعر كل الناس بسبب كورونا.
عشان كده أصبح التعرف على العميل الجديد والانخراط المستمر معه، عشان تحافظ على نبض كل اللي هيحتاج إليه، مفتاح لنجاحك أنت في التسويق أثناء وبعد تداعيات فيروس كورونا.
ضروري أنك تستخدم الإستراتيجيات اللي قولنا عليها عشان تحافظ على عميلك وتنبي شخصية مناسبة معه ومع احتياجاته ورغباته دلوقتي، والبدء في التحدث بلغتهم عشان تتمكن من مواصلة النمو والتطور كشركة، بغض النظر عن اللي هيحصل في المستقبل بسبب كورونا.
لبناء وتصميم موقع أحلامك، تواصل معنا للتحدث مع مسؤولين شركة تصميم مواقع Smarter Set الآن واحصل على كافة الخدمات بأسعار تنافسية.
نحن نتطلع إلى مساعدة عملك على النمو.
